ମୁମ୍ବାଇ: ନିକଟରେ ବିବାହ କରିଥିବା ବଲିଉଡ ଅଭିନେତ୍ରୀ ପରିଣୀତି ଚୋପ୍ରା ଏବେ ଖୁବ ଚର୍ଚ୍ଚାରେ । ବିବାହ ପରେ ଗୋଟିଏ ପରେ ଗୋଟିଏ ଫଟୋ ସୋସିଆଲ ମିଡ଼ିଆରେ ସେୟାର କରି ସମସ୍ତଙ୍କ ଦୃଷ୍ଟି ଆକର୍ଷଣ କରୁଛନ୍ତି ଏହି ନବଦମ୍ପତି । ତାଙ୍କର ସମସ୍ତ ଫଟୋକୁ ପ୍ରଶଂସକମାନେ ମଧ୍ୟ ବେଶ୍ ପସନ୍ଦ କରୁଛନ୍ତି । ନିକଟରେ ପରିଣୀତି ସ୍ୱାମୀ ଆପ ସାଂସଦ ରାଘବ ଚଢାଙ୍କୁ ଛାଡ଼ି ଏବେ ମାଳଦ୍ୱୀପରେ ଛୁଟି କାଟୁଛନ୍ତି । ଏହି ସମୟର ଏକ ଫଟୋ ପରିଣୀତି ନିଜ ଇନଷ୍ଟାଗ୍ରାମ ଷ୍ଟୋରୀରେ ପୋଷ୍ଟ କରିଛନ୍ତି ।
ନଣନ୍ଦଙ୍କ ସହ ଯାଇଛନ୍ତି ପରିଣୀତି
ଏହି ଫଟୋରେ ପରିଣୀତି ଏକ କଳା ରଙ୍ଗର ସୁଇମିଙ୍ଗ ସୁଟ୍ରେ ନଜର ଆସିଛନ୍ତି । ଏହା ସହିତ ପରିଣୀତି ତାଙ୍କର ଚୁଡ଼ିକୁ ମଧ୍ୟ ଦେଖାଇଛନ୍ତି । କ୍ୟାପସନରେ ଲେଖିଛନ୍ତି, ‘ହନୀମୁନରେ ନୁହେଁ, ଫଟୋ ନଣଦ ଉଠାଇଛନ୍ତି ।’ ଏଥିରୁ ଏହା ସ୍ପଷ୍ଟ ହୋଇଯାଉଛି ଯେ, ପରିଣୀତି ରାଘବ ଚଢାଙ୍କ ସହ ନୁହେଁ ନଣନ୍ଦଙ୍କ ସହିତ ଛୁଟି କଟାଉଛନ୍ତି । ରାଘବଙ୍କ ଭଉଣୀ ଜଣେ ଚାର୍ଟାର୍ଡ ଆକାଉଣ୍ଟାଣ୍ଟ ଅଛନ୍ତି । ଏହି ଫଟୋ ଦେଖିବା ପରେ ତାଙ୍କର ଅନେକ ପ୍ରଶସଂକ ଭିନ୍ନ ଭିନ୍ନ ମତ ଦେଇଛନ୍ତି । ବିବାହ ପରେ ରାଘବଙ୍କୁ ଛାଡ଼ି ଏକା ମାଲଦ୍ୱୀପ ଯିବା ଠିକ୍ ହୋଇନାହିଁ ବୋଲି ଅନେକ ମତ ରଖିଛନ୍ତି । ବଲିଉଡ ଅଭିନେତ୍ରୀ ପରିଣୀତି ଚୋପ୍ରା ଓ ସାଂସଦ ରାଘବ ଚଢା ବିବାହ ବନ୍ଧନରେ ବାନ୍ଧି ହୋଇସାରିଛନ୍ତି । ଗତ ୨୪ ତାରିଖରେ ରାଜସ୍ଥାନର ଉଦୟପୁରରେ ଥିବା ‘ଦି ଲୀଲା ପ୍ୟାଲେସ’ରେ ଉଭୟଙ୍କ ବିବାହ ଧୂମ୍ଧାମ୍ରେ ଅନୁଷ୍ଠିତ ହୋଇଥ୍ôଲା । ବିବାହ ପରେ ରାଘବ ଓ ପରିଣୀତିଙ୍କ ଗୋଟିଏ ପରେ ଗୋଟିଏ ଫଟୋ ସୋସିଆଲ ମିଡିଆରେ ଘୂରି ବୁଲୁଛି । ଯାହାକୁ ଲୋକେ ଖୁବ୍ ପସନ୍ଦ କରୁଛନ୍ତି ।
