ମୁମ୍ବାଇ: ଏକଦା ମ୍ୟାକଡୋନାଲ୍ଡରେ କାମ କରୁଥିବା ସ୍ମୃତି ଇରାନୀ ଜଣେ କେନ୍ଦ୍ରମନ୍ତ୍ରୀ ହୋଇଛନ୍ତି । ସମସ୍ତେ ଜାଣନ୍ତି ଯେ ସ୍ମୃତି ଇରାନୀ ଜଣେ ଟିଭି ଅଭିନେତ୍ରୀ ଏବଂ ସମସ୍ତେ ଜାଣନ୍ତି ବର୍ତ୍ତମାନ ସେ କେନ୍ଦ୍ରମନ୍ତ୍ରୀ ଅଛନ୍ତି । କିନ୍ତୁ ଏ ପର୍ଯ୍ୟନ୍ତ ତାଙ୍କ ଯାତ୍ରା ବିଷୟରେ ହୁଏତ ଆପଣ କ୍ୱଚିତ୍ ଜାଣିଥିବେ ଯେ ଏହା ପୂର୍ବରୁ ସେ ମ୍ୟାକଡୋନାଲ୍ଡରେ ୱେଟର ଭାବରେ କାମ କରୁଥିଲେ । ସ୍ମୃତି ଇରାନୀଙ୍କର ମଧ୍ୟ ଦୁଇ ଭଉଣୀ ଅଛନ୍ତି, ସମସ୍ତେ ଦିଲ୍ଲୀରେ ସେମାନଙ୍କର ପିଲାଦିନ ଅତିବାହିତ କରିଥିଲେ । ଦିଲ୍ଲୀରେ ହିଁ ସେମାନେ ନିଜର ଅଧ୍ୟୟନ ଶେଷ କରିଥିଲେ ।
ସାମ୍ବାଦିକ ହେବାକୁ ଚାହୁଁଥିଲେ ସ୍ମୃତି
ଥରେ ସ୍ମୃତି ଇରାନୀଙ୍କ ପିତାମାତା ଭବିଷ୍ୟବାଣୀ କରିବା ପାଇଁ ପଣ୍ଡିତଙ୍କୁ ନିଜ ଘରକୁ ଡାକିଥିଲେ । ପଣ୍ଡିତ କହିଥିଲେ ଯେ ସ୍ମୃତିଙ୍କ ଦୁଇ ଭଉଣୀଙ୍କର ଜୀବନ ଅତ୍ୟନ୍ତ ଭଲ ହେବ, ସେମାନେ ସମସ୍ତ ସଠିକ୍ ନିଷ୍ପତ୍ତି ନେବେ କିନ୍ତୁ ସ୍ମୃତିଙ୍କ ବିଷୟରେ ସେ କହିଥିଲେ ଯେ ସ୍ମୃତିଙ୍କ ଭବିଷ୍ୟତ ଅତ୍ୟନ୍ତ ଦୁର୍ବଳ । ଏହି ଖବର ସ୍ମୃତିଙ୍କ ମନରେ କିଛି କରିବାର ଇଚ୍ଛାକୁ ଜାଗ୍ରତ କରିଥିଲା । ସ୍ମୃତି ଇରାନୀ ଜଣେ ପ୍ରଶାସନିକ କର୍ମଚାରୀ କିମ୍ବା ସାମ୍ବାଦିକ ହେବାକୁ ଚାହୁଁଥିଲେ । କିନ୍ତୁ ତାଙ୍କ ବାପା କହିଥିଲେ ଯେ ସେ ଜଣେ ପ୍ରଶାସନିକ କର୍ମଚାରୀ କିମ୍ବା ସାମ୍ବାଦିକ ହେବା ତାଙ୍କ ପାଇଁ ସମ୍ଭବ ନୁହେଁ । ତା’ପରେ ସେ ତା ଠାରୁ ବି କିଛି ବଡ କରିବାକୁ ଚିନ୍ତା କଲେ । ପରେ ସେ ଘରୁ ବାହାରି ମୁମ୍ବାଇ ଚାଲିଗଲେ । ସ୍ମୃତି ଇରାନୀ ମିସ୍ ଇଣ୍ଡିଆ ପ୍ରତିଯୋଗିତାରେ ଭାଗ ନେଇଥିଲେ ଯେଉଁଠାରେ ସେ ନିରାଶର ସମ୍ମୁଖୀନ ହୋଇଥିଲେ । ସେଠାରେ ତାଙ୍କ ସହିତ କିଛି ଭଲ ଘଟଣା ଘଟୁ ନ ଥିଲା ।
ମ୍ୟାକଡୋନାଲ୍ଡରେ ଟେବୁଲ୍ ସଫା କରୁଥିଲେ
ପରେ ଟିଭି ସିରିଏଲ ପାଇଁ ଅଡିସନ ଦେବା ଆରମ୍ଭ କଲେ । କିନ୍ତୁ ସେଠାରେ ମଧ୍ୟ କିଛି କାମ ହୋଇନାହିଁ । ସ୍ମୃତି ତାଙ୍କ ପିତାଙ୍କଠାରୁ ଋଣ ନେଇଥିଲେ ଏବଂ ଏହାକୁ ପରିଶୋଧ କରିବାକୁ ଚାହୁଁଥିଲେ । ତେଣୁ ସେ ବାନ୍ଦ୍ରାସ୍ଥିତ ମ୍ୟାକଡୋନାଲ୍ଡରେ ଟେବୁଲ୍ ସଫା କରିବା ପରି କାମ ମଧ୍ୟ କରିଥିଲେ । ଏହା ପରେ ସ୍ମୃତି ଇରାନୀ ତାଙ୍କର ପ୍ରଥମ ବ୍ରେକ୍ ପାଇଲେ, ସେ ସେଠାରେ କାମ କଲେ । ପରେ ସେ ନିର୍ମାତା ଶୋଭା କପୁରଙ୍କ ନଜରରେ ଆସିଲେ । ଯେଉଁଠାରୁ ସେ ସିରିୟଲ୍ ‘କ୍ୟୁଙ୍କି … ସାସ୍ ଭୀ କଭି ବୋହୂ ଥି’ ‘ ତୁଲସୀ’ର ମୁଖ୍ୟ ଭୂମିକା ପାଇଁ କାମ କରିଥିଲେ । ସ୍ମୃତି ଇରାନୀ ଏହି ସିରିଏଲରୁ ନାମ ଅର୍ଜନ କରିଥିଲେ ଏବଂ ଏହି ସିରିଏଲ ୮ ବର୍ଷ ଧରି ଚାଲିଥିଲା । ଏହି ସିରିଏଲ ଶେଷ ହେବା ବେଳକୁ ସେ ରାଜନୀତିରେ ପ୍ରବେଶ କରିଥିଲେ ।
କ୍ୟୁଁ କି ଶାଶ୍ ଭି କଭି ବୋହୂ ଥି ଦେଇଥିଲା ପରିଚୟ
ଭାଜପା ସରକାରରେ ମହିଳା ଓ ଶିଶୁ ବିକାଶ ମନ୍ତ୍ରୀ ଭାବେ କାର୍ଯ୍ୟ କରୁଥିବା ସ୍ମୃତି ଇରାନୀ ୧୯୭୬ ମାର୍ଚ୍ଚ ୨୩ରେ ଦିଲ୍ଲୀରେ ଜନ୍ମଗ୍ରହଣ କରିଥିଲେ । ମ୍ୟାକ୍ ଡୋନାଲ୍ଡ କମ୍ପାନୀରେ କାମ କରୁଥିବା ସ୍ମୃତି ଟେଲିଭିଜନରେ ବିଭିନ୍ନ ଧାରାବାହିକରେ ଅଭିନୟ କରି ଦର୍ଶକଙ୍କୁ ବେଶ୍ ଆକୃଷ୍ଟ କରିପାରିଥିଲେ । ୧୯୯୮ରେ ସେ ମିସ୍ ଇଣ୍ଡିଆ ପିଜାଣ୍ଟ ଫାଇନାଲ୍ରେ ସ୍ଥାନ ଅଧିକାର କରିଥିଲେ । ସେହିବର୍ଷ ସେ ମିକା ସିଂଙ୍କ ଆଲବମ୍ ‘ସାବନ୍ ମେ ଲଗ୍ ଗଇ ଆଗ୍’ରେ ଅଭିନୟ କରିଥିଲେ । ୨୦୦୦ରେ ସେ ଟିଭି ଧାରାବାହିକ ‘ଆତିଶ୍’ ଏବଂ ‘ହମ୍ ହୈ କଲ୍ ଆଜ ଔର କଲ୍’ରେ ଅଭିନୟ କରିଥିଲେ । ତେବେ ଏକତା କପୁରଙ୍କ ‘କ୍ୟୁଁ କି ଶାଶ୍ ଭି କଭି ବୋହୂ ଥି’ ଧାରାବାହିକରେ ଅଭିନୟ କରି ସ୍ମୃତିଙ୍କୁ ବେଶ୍ ପରିଚିତି ମିଳିପାରିଥିଲା । ସ୍ମୃତି ‘ଅଲ୍ ଇଜ୍ ୱେଲ୍’, ‘ଜୟ ବୋଲୋ ତେଲେଙ୍ଗାନା’, ‘ମାଲିକ୍ ଏକ୍’, ଅମ୍ରିତା ଆଦି ଫିଲ୍ମରେ ମଧ୍ୟ ଅଭିନୟ କରିଛନ୍ତି । ୨୦୦୧ରେ ସେ ଜୁବିନ୍ ଇରାନୀଙ୍କୁ ବିବାହ କରିଥିଲେ । ୨୦୦୩ରେ ସ୍ମୃତି ଭାଜପାରେ ଯୋଗଦେଇଥିଲେ । ଏହାପରେ ତାଙ୍କର ରାଜନୈତିକ ଜୀବନ ଆରମ୍ଭ ହୋଇଥିଲା ।
