ମୁମ୍ବାଇ: ପରଦାରେ ଅଭିନେତା ସୁଶାନ୍ତ ସିଂ ରାଜପୁତ ଅନ୍ୟ ଅଭିନେତ୍ରୀଙ୍କୁ ଚୁମ୍ବନ ଦେବା ଦେଖି କାନ୍ଦି ପକାଇଥିଲେ ଅଙ୍କିତା ଲୋଖଣ୍ଡେ । କାରଣ ସୁଶାନ୍ତଙ୍କୁ ଅଙ୍କିତା ବହୁତ ଭଲ ପାଉଥିଲେ । ସେ ଚାହୁଁ ନ ଥିଲେ ସୁଶାନ୍ତ ଅନ୍ୟ କୌଣସି ଅଭିନେତ୍ରୀଙ୍କ ସହ ଏପରି ଦୃଶ୍ୟରେ ନଜର ଆସନ୍ତୁ । ନିକଟରେ ଅଭିନେତ୍ରୀ ଅଙ୍କିତା ବିଗ୍ବସ ଘରେ ଏହା କହିଛନ୍ତି ।
ବିଗ୍ବସ ଘରେ ଅଧିକାଂଶ ସମୟ ସୁଶାନ୍ତ ବିଷୟରେ କଥା ହୁଅନ୍ତି ଅଙ୍କିତା
ଛୋଟ ପରଦାର ସବୁଠୁ ଲୋକପ୍ରିୟ ରିୟଲିଟି ଶୋ ହେଉଛି ବିଗ୍ ବସ୍ । ଏବେ ବିଗ୍ବସ୍ ସିଜିନ୍ ୧୭ ପ୍ରସାରିତ ହେଉଛି । ଏହି ଶୋ ପ୍ରଥମ ସପ୍ତାହରୁ ହିଁ ଚର୍ଚ୍ଚାକୁ ଆସିଥିଲା । ଶୋ’ ଆରମ୍ଭରୁ ହିଁ ଘରଲୋକଙ୍କ ମଧ୍ୟରେ ଝଗଡା ହେଉଥିବା ଦେଖିବାକୁ ମିଳିଥିଲା । ଏଥର ଟିଭି ସେଲିବ୍ରିଟିମାନଙ୍କ ସହିତ କଣ୍ଟେଣ୍ଟ କ୍ରିଏଟରମାନେ ମଧ୍ୟ ଶୋ’ରେ ସାମିଲ ହୋଇଛନ୍ତି । ପ୍ରଥମ ସପ୍ତାହରୁ ହିଁ ଲୋକପ୍ରିୟ ଟିଭି ଅଭିନେତ୍ରୀ ଅଙ୍କିତା ଲୋଖଣ୍ଡେଙ୍କର ତାଙ୍କ ସ୍ୱାମୀ ବିକି ଜୈନଙ୍କ ସହ ଅନେକ ଥର ଝଗଡ଼ା ହୋଇଥିବା ଦର୍ଶକ ଦେଖିଛନ୍ତି । ଏହି ଶୋ ପାଇଁ ଅନ୍ୟମାନଙ୍କଠାରୁ ଅଙ୍କିତା ସବୁଠୁ ଅଧିକ ପାରିଶ୍ରମିକ ନେଇଥିବା ପ୍ରତିଯୋଗୀ । ହେଲେ ବିଗ୍ ବସ୍ ପାଇଁ ତାଙ୍କର ଅବଦାନ ସେତେଟା ଦେଖିବାକୁ ମିଳିନାହିଁ । ବିଗ୍ବସ୍ ଘରେ ଅନେକ ସମୟରେ ସେ ନିଜ ପୂର୍ବ ପ୍ରେମିକ ତଥା ଦିବଂଗତ ଅଭିନେତା ସୁଶାନ୍ତ ସିଂହ ରାଜପୁତଙ୍କ ବିଷୟରେ କଥା ହେଉଥିବାର ଦେଖିବାକୁ ମିଳୁଛି ।
Ankita Lokhande again talking about Sushant Singh Rajput!#BiggBoss17 #BigBossDynamite#AnkitaLokhande #AbhishekKumar pic.twitter.com/vPOgpRQiVA
— BigBossDynamite (@BigBossDynamite) December 25, 2023
ଚୁମ୍ବନ ଦୃଶ୍ୟ ଦେଖି ସୁଶାନ୍ତଙ୍କ ହାତକୁ ନଖରେ ରାମ୍ପୁଡ଼ି ଦେଇଥିଲେ ଅଙ୍କିତା
ସୁଶାନ୍ତଙ୍କ ସହ ବ୍ରେକଅପ କାହିଁକି ହେଲା ସେ ବିଷୟରେ ଅଙ୍କିତା ଏହି ଶୋରେ କହିସାରିଥିବା ବେଳେ ଏବେ ସୁଶାନ୍ତଙ୍କ ଅଭିନୟ ଜୀବନକୁ ନେଇ ବଡ଼ ଖୁଲାସା କରିଛନ୍ତି । ବିଗ୍ ବସ୍ ପ୍ରତିଯୋଗୀ ଅଭିଷେକ କୁମାର ଓ ଆୟେଶା ଖାନଙ୍କୁ ଅଙ୍କିତା କହିଛନ୍ତି ଯେ, ଯେତେବେଳେ ମୁଁ ଫିଲ୍ମ ‘ପିକେ’ ଦେଖିଥିଲି, ମୋ ମୁଣ୍ଡ ବୁଲାଇଥିଲା । ସେଥିରେ ସୁଶାନ୍ତ, ଅନୁଷ୍କା ଶର୍ମାଙ୍କୁ ଚୁମ୍ବନ ଦେଉଥିବାର ଦୃଶ୍ୟ ମୁଁ ଦେଖିପାରି ନ ଥିଲି । ଫିଲ୍ମ ‘ସୁଧ୍ ଦେଶୀ ରୋମାନ୍ସ’ ରିଲିଜ୍ ହେବା ପରେ ସୁଶାନ୍ତ ମୋ ପାଇଁ ୟଶ ରାଜ୍ ଷ୍ଟୁଡିଓରେ ଥିବା ପୂରା ହଲ୍ ବୁକ୍ କରିଥିଲେ । କାରଣ ସେ ଜାଣିଥିଲେ ମୁଁ କାନ୍ଦିବି । ଫିଲ୍ମ ଦେଖିବା ବେଳେ ମୁଁ କାନ୍ଦିବା ସହ ସୁଶାନ୍ତଙ୍କ ହାତକୁ ନଖରେ ରାମ୍ପୁଡି ଦେଇଥିଲି । ଏହା ପରେ ସେ ହଲରୁ ବାହାରକୁ ଚାଲିଯାଇଥିଲେ । ଫିଲ୍ମ ଦେଖି ଘରକୁ ଆସିବା ପରେ ମୁଁ ବହୁତ କାନ୍ଦିଥିଲି । ସୁଶାନ୍ତ ବି ମୋତେ ଦେଖି କାନ୍ଦିଥିଲେ ଏବଂ ଆଉ ଏଭଳି ଦୃଶ୍ୟ କରିବେନି ବୋଲି କହିଥିଲେ ।
