ମୁମ୍ବାଇ: ନିକଟରେ ବିବାହ ବନ୍ଧନରେ ବାନ୍ଧି ହୋଇଛନ୍ତି ବଲିଉଡ଼ ଅଭିନେତା ଅମିର ଖାନଙ୍କ ଝିଅ ଇରା ଖାନ୍ । ସେ ତାଙ୍କ ପ୍ରେମିକ ନୁପୁର ଶିଖରେଙ୍କୁ ବିବାହ କରିଛନ୍ତି । ଉଭୟଙ୍କ କୋର୍ଟରେ ବିବାହ ହୋଇଛି । ସୋସିଆଲ ମିଡିଆରେ ଇରା ଏବଂ ନୁପୁରଙ୍କ ବିବାହ ଫଟୋ ଭାଇରାଲ ହେଉଛି । ଝିଅ ଇରାଙ୍କ ବିବାହରେ ଅମିରଙ୍କୁ ମଜାଦାର ଶୈଳୀରେ ଦେଖିବାକୁ ମିଳିଥିଲା । ସେ ସମସ୍ତଙ୍କ ସହ ନାଚି ଥିଲେ । ସୋସିଆଲ ମିଡିଆରେ ଅମିରଙ୍କ ଡ୍ୟାନ୍ସ ଭିଡିଓ ଭାଇରାଲ ହେଉଛି । ଅମିରଙ୍କର ଆଉ ଏକ ଭିଡିଓ ସାମ୍ନାକୁ ଆସିଛି । ଏଥିରେ ସେ ତାଙ୍କ ପୂର୍ବତନ ସ୍ତ୍ରୀ କିରଣ ରାଓଙ୍କୁ ଚୁମ୍ବନ ଦେଉଥିବାର ନଜର ଆସିଛନ୍ତି, ଯାହାକୁ ଦେଖି ତାଙ୍କୁ ଟ୍ରୋଲ କରାଯାଉଛି ।
ବିବାହ ଉତ୍ସବରେ ସାମିଲ ହୋଇଥିଲେ ପୁରା ପରିବାର
ଇରା ଏବଂ ନୁପୁରଙ୍କ ବିବାହରେ ପୁରା ଖାନ ପରିବାର ଏକାଠି ନଜର ଆସିଥିଲେ । ଅମିରଙ୍କ ସହ ତାଙ୍କର ପୂର୍ବତନ ସ୍ତ୍ରୀ କିରଣ ରାଓ ଏବଂ ପ୍ରଥମ ସ୍ତ୍ରୀ ରୀନା ଦତ୍ତ ମଧ୍ୟ ବହୁତ ଖୁସି ଦେଖାଯାଉଥିଲେ । ଅମିରଙ୍କ ପୁରା ପରିବାର ସହିତ ଫଟୋ କ୍ଲିକ କରିବାକୁ ଆସିଥିଲେ, ଏହି ସମୟରେ ସେ କିରଣଙ୍କୁ ଚୁମ୍ବନ ଦେଇଥିଲେ । ଜାନୁଆରୀ ୩ରେ ମୁମ୍ବାଇରେ ଇରା ଖାନ ଏବଂ ନୁପୁର ଶିଖରେ ବିବାହ କରିଥିଲେ । ବର୍ତ୍ତମାନ ଏହି ଦମ୍ପତି ଖୁବ ଶୀଘ୍ର ଉଦୟପୁରରେ ଗନ୍ତବ୍ୟ ସ୍ଥଳକୁ ଯିବେ । ମହାରାଷ୍ଟ୍ରର ରୀତିନୀତି ଅନୁଯାୟୀ ଇରା ଏବଂ ନୁପୁର ଜାନୁଆରୀ ୮ରେ ବିବାହ କରିବେ । ପରିବାର ଏବଂ କିଛି ବିଶେଷ ବନ୍ଧୁ ଏହି ବିବାହ ଉତ୍ସବରେ ଯୋଗଦେବେ । ମୁମ୍ବାଇରେ ବଲିଉଡ ସେଲିବ୍ରିଟିମାନଙ୍କ ପାଇଁ ଏକ ରିସେପ୍ସନ ଆୟୋଜନ କରାଯିବ ।
