ମୁମ୍ବାଇ: ବଲିଉଡ଼ର ସଫଳ ଦମ୍ପତିଙ୍କ ମଧ୍ୟରୁ ଅଭିନେତା ରଣବୀର ସିଂ ଓ ଅଭିନେତ୍ରୀ ଦୀପିକା ପାଦୁକୋନ ହେଉଛନ୍ତି ଅନ୍ୟତମ । ଏହି ଯୋଡ଼ିଙ୍କୁ ଦର୍ଶକ ଖୁବ୍ ପସନ୍ଦ କରନ୍ତି । ଏମାନେ ଅଧିକାଂଶ ସମୟ ନିଜ ବ୍ୟକ୍ତିଗତ ଜୀବନକୁ ନେଇ ଚର୍ଚ୍ଚାରେ ରହିଥାନ୍ତି । ଆଉ ସବୁଠୁ ବଡ଼ କଥା ହେଲା ବଲିଉଡ଼ର ଲୋକପ୍ରିୟ ଅଭିନେତ୍ରୀମାନଙ୍କ ତାଲିକାରେ ଦୀପିକା ଅଛନ୍ତି ଶୀର୍ଷରେ । ସେ ବଲିଉଡର ଅନେକ ହିଟ୍ ଫିଲ୍ମରେ କାମ କରିବା ସହ ହଲିଉଡରେ ମଧ୍ୟ ନିଜର ଯାଦୁ ଦେଖାଇ ସାରିଛନ୍ତି । ଏଥି ସହିତ ତାଙ୍କର ଅନେକ କାମ ଦେଶ ପାଇଁ ଗୌରବ ଆଣିଛି । ଦୀପିକା ପାଦୁକୋନ୍ ଓସ୍କାରରେ ଏକ ଭାରତୀୟ ଗୀତ ଉପସ୍ଥାପନ କରିବାକୁ ମଞ୍ଚରେ ପାଦ ଦେଇ ଇତିହାସ ରଚିଥିଲେ । ହେଲେ ଦୀପିକାଙ୍କ ପାଖରେ ରହିଛି ତାଙ୍କ ସ୍ୱାମୀ ରଣବୀରଙ୍କ ସମ୍ପତ୍ତିଠାରୁ ଢେର ଅଧିକ । ଦୀପିକା କେତେ କୋଟିର ମାଲିକାଣୀ ଆପଣ ଜାଣନ୍ତି କି?
୫୦୦କୋଟିର ମାଲିକାଣୀ ଦୀପିକା
ଶାହାରୁଖ ଖାନଙ୍କ ସହ ଫିଲ୍ମ ‘ଓମ ଶାନ୍ତି ଓମ’ରୁ କ୍ୟାରିୟର ଆରମ୍ଭ କରିଥିବା ଦୀପିକା ପାଦୁକୋନ ଏବେ ବଲିଉଡର ‘ମସ୍ତାନୀ’ ହୋଇପାରିଛନ୍ତି । ଏହି ଅଭିନେତ୍ରୀ ନିଜ ଅଭିନୟ ସହିତ ନିଜର ସୌନ୍ଦର୍ଯ୍ୟ ପାଇଁ ମଧ୍ୟ ଜଣାଶୁଣା । ଗତ ୧୬ବର୍ଷ ମଧ୍ୟରେ ଦୀପିକା ହିନ୍ଦୀ ସିନେମାକୁ ଅନେକ ହିଟ୍ ଫିଲ୍ମ ଦେଇଛନ୍ତି । ତେଣୁ ଆଜି ସେ କୋଟି କୋଟି ଟଙ୍କାର ମାଲିକ ହୋଇପାରିଛନ୍ତି । ଯଦି ଆମେ ତାଙ୍କ ସମ୍ପତ୍ତିକୁ ଦେଖିବା ତେବେ ସେ ମୋଟ ୫୦୦କୋଟିର ମାଲିକାଣୀ ଅଟନ୍ତି ।
ରଣବୀରଙ୍କ ପାଖରେ ଅଛି ୩୪୫କୋଟି
ଦୀପିକା କେବଳ ଚଳଚ୍ଚିତ୍ରରୁ ନୁହେଁ ବରଂ ବ୍ରାଣ୍ଡ ଏଣ୍ଡୋର୍ସମେଣ୍ଟ ଏବଂ ଫିଲ୍ମ ପ୍ରଡକ୍ସନ୍ସରୁ ମଧ୍ୟ ବହୁତ ଟଙ୍କା ରୋଜଗାର କରନ୍ତି । ଏହା ବ୍ୟତୀତ ଅଭିନେତ୍ରୀ ଅନେକ କମ୍ପାନିରେ ମଧ୍ୟ ବିନିଯୋଗ କରିଥିବା ଜଣାପଡ଼ିଛି । ଯଦି ଆମେ ତାଙ୍କ ସ୍ୱାମୀ ତଥା ସୁପରଷ୍ଟାର ରଣବୀର ସିଂହଙ୍କ ମୋଟ ସମ୍ପତ୍ତି ଦେଖିବା ତେବେ ସେ ଦୀପିକାଙ୍କଠାରୁ ବହୁତ ପଛରେ ଅଛନ୍ତି । ରଣବୀର ଏବେ ୩୪୫କୋଟିର ମାଲିକ ଥିବା ଜଣାଯାଇଛି ।
