ଇଣ୍ଡିଆ ଏବଂ ଶ୍ରୀଲଙ୍କା ମ୍ୟାଚ କୋଚ୍ ଗୌତମ ଗମ୍ଭୀରଙ୍କ ପାଇଁ ଖୁବ୍ ଗୁରୁତ୍ୱପୂର୍ଣ୍ଣ। କାରଣ ସେ ପ୍ରଥମ ଥର ପାଇଁ ଦଳର ମୁଖ୍ୟ ପ୍ରଶିକ୍ଷକ ପଦବୀ ସମ୍ଭାଳୁଛନ୍ତି । ଯଦିଓ ଗମ୍ଭୀରଙ୍କ ଅଧୀନରେ ଭାରତ ଟି-୨୦ ସିରିଜରେ କ୍ଲିନ୍ ସ୍ୱିପ୍ କରିଛି କିନ୍ତୁ ଓଡିଆଇ ସିରିଜରେ ରୋହିତ ଏବଂ ଟିମ୍ ର ସ୍ଥିତି ଆଦୌ ଭଲ ଦେଖାଯାଉନାହିଁ । ରବିବାର ଅନୁଷ୍ଠିତ ସିରିଜର ଦ୍ୱିତୀୟ ଦିନିକିଆ ମ୍ୟାଚରେ ଆୟୋଜକ ଶ୍ରୀଲଙ୍କା ଟିମ୍ ଇଣ୍ଡିଆକୁ ୩୨ ରନରେ ପରାସ୍ତ କରିଛି। ଯଦିଓ ଭାରତୀୟ ବ୍ୟାଟ୍ସମ୍ୟାନଙ୍କୁ ନେଇ ଆଲୋଚନା କରାଯାଇପାରେ କିନ୍ତୁ ଅପରପକ୍ଷରେ କ୍ରିକେଟ୍ ପ୍ରେମୀ ମୁଖ୍ୟ ପ୍ରଶିକ୍ଷକ ଗୌତମ ଗମ୍ଭୀରଙ୍କୁ ଟ୍ରୋଲ କରିବା ଆରମ୍ଭ କରିଦେଇଛନ୍ତି।
ସୂଚନା ଅନୁସାରେ ଗୌତମ ଗମ୍ଭୀରଙ୍କ ଆଗମନ ସହିତ ଭାରତୀୟ ଦଳରେ ଅନେକ ପରିବର୍ତ୍ତନ ଆସିଛି। କିଛି ଏଭଳି ଖେଳାଳି ରହିବେ ଯେଉଁମାନେ ସମସ୍ତ ତିନୋଟି ଫର୍ମାଟରେ ଖେଳୁଥିବା ଦେଖାଯିବେ | ଏହି ସମୟରେ ଟି -୨୦ ଫର୍ମାଟରେ ଏକ ନୂତନ ଦଳ ପ୍ରସ୍ତୁତ ହୋଇଥିବାବେଳେ ଓଡିଆଇ ଦଳର ବ୍ୟାଟିଂ କ୍ରମରେ କ୍ରମାଗତ ପରିବର୍ତ୍ତନ ହେଉଛି। ଏହି ପରିବର୍ତ୍ତନ ହେତୁ ଲୋକମାନେ ଗମ୍ଭୀରଙ୍କୁ ଅଧିକ ମାତ୍ରାରେ ଟ୍ରୋଲ କରୁଛନ୍ତି। କେହି ଜଣେ କହିଛନ୍ତି ଯେ ରାହୁଲ ଦ୍ରାବିଡ଼ ଯେଉଁ ଟିମ୍ ଗଠନ କରିଥିଲେ, ଗମ୍ଭୀର ଅନାବଶ୍ୟକ ଭାବେ ଏହି ଦଳ ଉପରେ ପରୀକ୍ଷା କରିବାରେ ଲାଗି ପଡିଛନ୍ତି।
ଏହା ମଧ୍ୟ କୁହାଯାଇଛି କି ଯେତେବେଳେ ବ୍ୟାଟ୍ସମ୍ୟାନ୍ ମାନେ ସେମାନଙ୍କର ନେଚୁରାଲ ପୋଜିସନ୍ ରେ ଭଲ ପ୍ରଦର୍ଶନ କରୁଛନ୍ତି ସେତେବେଳେ ପରୀକ୍ଷା କରିବାର ଆବଶ୍ୟକତା କ’ଣ? ଅନ୍ୟପକ୍ଷରେ, କେହି ଜଣେ କହିଛନ୍ତି ଯେ କେ.ଏଲ. ରାହୁଲ ଏବଂ ଶ୍ରେୟାସ ଆୟରଙ୍କ ବ୍ୟାଟିଂ ଅର୍ଡରକୁ ମଧ୍ୟମ କ୍ରମରେ ପରିବର୍ତ୍ତନ କରିବାର ଆବଶ୍ୟକତା ରହିଛି। ଏପରିକି ଗମ୍ଭୀରଙ୍କୁ ତୁରନ୍ତ କୋଚ୍ ପଦରୁ ହଟାଇବାକୁ ବିସିସିଆଇ ନିକଟରେ ଦାବି ବି ହୋଇଛି। ଗମ୍ଭୀରଙ୍କ ଉପରେ ମଧ୍ୟ ପ୍ରଶ୍ନ ଉଠିଛି ଯେ ତାଙ୍କର ୫୦ ଓଭର ଫର୍ମାଟରେ କୋଚିଂ କରିବାର କୌଣସି ଅଭିଜ୍ଞତା ନାହିଁ। ସେ ଦିନିକିଆ ମ୍ୟାଚରେ ସମାନ ଆଇପିଏଲ ରଣନୀତି ଗ୍ରହଣ କରି ଭୁଲ କରିଛନ୍ତି | ସୂଚନାଯୋଗ୍ୟ ଯେ ଭାରତର ପରାଜୟ ପରେ ଗୌତମ ଗମ୍ଭୀରଙ୍କ ମୁହଁ ଶୁଖିଯାଇଥିବା ଦେଖିବାକୁ ମିଳିଥିଲା |
