ୟୁକ୍ରେନ୍ ଯୁଦ୍ଧକୁ ନେଇ ଭାରତର ପ୍ରଶଂସାରେ ଋଷ ଗଦଗଦ । ଋଷ ବୈଦେଶିକ ମନ୍ତ୍ରୀ ସର୍ଗେଇ ଲାଭାରୋଭ୍ ଭାରତର ନିରପେକ୍ଷ ଓ ଯଥାର୍ଥବାଦୀ ଆଭିମୁଖ୍ୟର ପ୍ରଶଂସା କରିଛନ୍ତି । ତାଙ୍କର ମାନିବା ହେଉଛି ଯେ,ଭାରତ ଏହି ଯୁଦ୍ଧର ସମାଧାନ ରାସ୍ତା ବାହାର କରିବା ପାଇଁ ପ୍ରକୃତରେ ଉଦ୍ୟମ କରୁଛି । ଭାରତ ଯୁଦ୍ଧ ଆରମ୍ଭ ପରଠାରୁ ହିଁ ଶାନ୍ତିର ପକ୍ଷଧର ରହି ଆସିଛି । ଋଷ ରାଷ୍ଚ୍ରପତି ଭ୍ଲାଦିମିର ପୁଟିନଙ୍କୁ ଭେଟିବା ବେଳେ ପ୍ରଧାନମନ୍ତ୍ରୀ ମୋଦି କହିଥିଲେ ଯେ,ଏହି ସମୟ ଯୁଦ୍ଧର ସମୟ ନୁହେଁ । ଭାରତ କ୍ରମାଗତ ଭାବେ ଦୁଇ ଦେଶର ନେତାଙ୍କ ସମ୍ପର୍କରେ ରହି ଆସିଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଋଷ ରାଷ୍ଚ୍ରପତି ଭ୍ଲାଦିମିର ପୁଟିନ ଓ ୟୁକ୍ରେନ୍ ରାଷ୍ଟ୍ରପତି ଜେଲେନେସ୍କିଙ୍କ ସହିତ ସାକ୍ଷାତ କରିବା ସହିତ ଆଲୋଚନା ମଧ୍ୟ କରିଛନ୍ତି ।
ସର୍ଗୋଇ ଲାଭାରୋଭ୍ କ’ଣ କହିଛନ୍ତି ?
ସର୍ଗେଇ ଲାଭାରୋଭ ଅନ୍ତର୍ଜାତୀଯ ସୁରକ୍ଷା ଉପରେ ଏକାଦଶତମ ସମ୍ମିଳନୀରେ କହିଛନ୍ତି ଯେ, ଆମେ ନିରପେକ୍ଷ ଓ ଯଥାର୍ଥବାଦୀ ସମାଧାନ ରାସ୍ତା ଖୋଜିବା ପାଇଁ ଭାରତ ଭଳି ଦେଶଙ୍କ ଉଦ୍ୟମକୁ ପ୍ରଶଂସା କରୁଛୁ । ବିଶେଷକରି ଭାରତ ୟୁକ୍ରେନର ଯାରିଥିବା ରକ୍ତାକ୍ତ ସଂଘର୍ଷର ସମାଧନ ପାଇଁ ଯେଉଁ ଉଦ୍ୟମ କରୁଛି ଆମେ ତାକୁ ପ୍ରଶଂସା କରୁଛୁ । ଋଷ ବୈଦେଶିକ ମନ୍ତ୍ରୀ କହିଛନ୍ତି ଯେ, ଏହା ଅତ୍ୟନ୍ତ ମହତ୍ୱପୂର୍ଣ୍ଣ ଯେ,ବିକାଶସୀଳ ଦୁନିଆରେ ଆମ ବନ୍ଧୁ ମାନଙ୍କ ତରଫରୁ ଆସୁଥିବା ପ୍ରସ୍ତାବ ବିକାଶର ବାସ୍ତବିକ କାରଣ ଓ ପ୍ରକୃତିର ସ୍ପଷ୍ଟ ଚିତ୍ର ଉପରେ ଆଧାରିତ ।
ଅନ୍ତର୍ଜାତୀୟ ସ୍ତରରେ ବଢୁଛି ଭାରତର ପ୍ରତିଷ୍ଠା
ୟୁକ୍ରେନ୍ ସଂକଟର ସମାଧାନ ଦିଗରେ ଭାରତ ଉଦ୍ୟମ ବାବଦରେ ଋଷ ବୈଦେଶିକ ମନ୍ତ୍ରୀଙ୍କ ଉଲ୍ଲେଖ ବିଶ୍ୱରେ ଭାରତର କ୍ରମବର୍ଦ୍ଧିର୍ଣୁ୍ ପ୍ରଭାବ ବାବଦରେ ସଂକେତ ଦେଉଛି । ଗତବର୍ଷ ପୁଟିନଙ୍କ ସହିତ ସାକ୍ଷାତ ବେଳେ ମୋଦି ଯୁଦ୍ଧରୁ ଦୁରେଇ ରହିବା ଉପରେ ଜୋର ଦେଇଥିଲେ । ଏନେଇ ସେ ଋଷ ଓ ୟୁକ୍ରେନକୁ ଯୁଦ୍ଧର ବିକଳ୍ପ ଖୋଜିବାକୁ ପରାମର୍ଶ ମଧ୍ୟ ଦେଇଥିଲେ । ଏହା ସହିତ ୟୁକ୍ରେନକୁ ମାନବୀୟ ସହାୟତା ପ୍ରଦାନ ନେଇ ଭାରତର ପ୍ରତିବଦ୍ଧତାକୁ ମଧ୍ୟ ଜାହିର କରିଥିଲେ । ଋଷ ବୈଦେଶିକ ମନ୍ତ୍ରୀଙ୍କ ବୟାନ ଆଗାମୀ ଜୀ-10 ଶିଖର ସମ୍ମିଳନୀ ପୂର୍ବରୁ ଆସିଛି ।ଏହି ଶିଖର ସମ୍ମିଳନୀରେ ଋଷ ରାଷ୍ଟ୍ରପତି ଭର୍ଚୁଆଲି ଯୋଗ ଦେବେ ।
