ମାର୍ଚ୍ଚ ଆସିବାକୁ ଆଉ କେଇଦିନ ମାତ୍ର ବାକି । ଏହା ସହିତ ଆରମ୍ଭ ହୋଇଯିବ ଟ୍ୟାକ୍ସ ଭରଣ ଚିନ୍ତା । କେଉଁଠି କେତେ ଦେଲେ ଟ୍ୟାକ୍ସ ଦେବାକୁ ପଡ଼ିବ ନାହିଁ । ଟ୍ୟାକ୍ସ ବ୍ରାକେଟ୍ ଭିତରକୁ ଆସୁଥିବା ଅନେକ ଏଭଳି ଅଙ୍କ କସନ୍ତି । ଆଜି ଆମେ ଆପଣଙ୍କୁ ଏଭଳି ୭ ଖର୍ଚ୍ଚ ବାବଦରେ କହିବୁ ଯାହା ଉପରେ ଆପଣ ଟ୍ୟାକ୍ସ ବଂଚାଇ ପାରିବେ ।
ପ୍ରି ନର୍ସରୀ ଫିସ୍ ଉପରେ ଡିଡକ୍ସନ
ଯଦି ଆପଣଙ୍କ ପିଲା ପ୍ଲେ ଗ୍ରୁପ୍,ପ୍ରି ନର୍ସରୀ କିମ୍ବା ନର୍ସରୀରେ ପଢୁଥାଏ ତେବେ ଆପଣ ଫିସ୍ ଉପରେ ଡିଡକ୍ସନ କ୍ଲେମ୍ କରିପାରିବେ । ଏହା 2015 ମସିହାରୁ ଆରମ୍ଭ ହୋଇଥିଲା । ଖୁବ କମ ଲୋକ ଏବାବଦରେ ଜାଣନ୍ତି ଓ କ୍ଲେମ୍ କରନ୍ତି । ଧାରା 80 ସି ଅନ୍ତର୍ଗତରେ ଆପଣ ଦୁଇଟି ପିଲାଙ୍କ ପାଇଁ ଡିଡକ୍ସନ୍ କ୍ଲେମ୍ କରି ପାରିବେ ।
ଷ୍ଟାମ୍ପ ଡ୍ୟୁଟି ଉପରେ କର ଛାଡ
ଘର କିଣିବା ବେଳେ ଆପଣ ଷ୍ଟାମ୍ପ ଡ୍ୟୁଟି ଓ ରେଜିଷ୍ଟ୍ରେସନ୍ ଫି’ ଉପରେ ଡିଡକ୍ସନ୍ କ୍ଲେମ୍ କରିପାରିବେ । ଧାରା 80 ସି ଅନ୍ତର୍ଗତରେ ଏହି ରିହାତି ନିଆ ଯାଇପାରିବ । ଯାହାର ସର୍ବାଧିକ ସୀମା ହେଉଛି 1.50 ଲକ୍ଷ ଟଙ୍କା । ଯେଉଁ ଆର୍ଥିକ ବର୍ଷର ଆପଣ ଘର କିଣିଥିବେ ସେହି ବର୍ଷ ହିଁ ଆପଣ ଷ୍ଟାମ୍ପ୍ ଡ୍ୟୁଟି୍ ଛାଡ କ୍ଲେମ୍ କରିପାରିବେ । ତା’ ପର ଆର୍ଥିକ ବର୍ଷରେ କ୍ଲେମ୍ କଲେ ମିଳିବ ନାହିଁ ।
ଅଭିଭାବକଙ୍କୁ ଦେଉଥିବା ସୁଧ ଉପରେ ଛାଡ
ଘର କିଣିବା ପାଇଁ ଆପଣ ନିଜ ଅଭିଭାବକଙ୍କଠାରୁ ଲୋନ୍ ନେଇ ପାରିବେ । ସେହି ଲୋନ୍ ପାଇଁ ଆପଣ ଦେଉଥିବା ସୁଧ ଉପରେ କୌଣସି ଟ୍ୟାକ୍ସ ଲାଗୁ ହୁଏନା । ଯଦି ଆପଣଙ୍କ ମାତାପିତା କମ ଟ୍ୟାକ୍ସ ସ୍ଲାବରୁ ଆସୁଥାନ୍ତି ତେବେ ଲାଭ ଅଧିକ ହେବ । ଧାରା 24 ସି’ ଅନ୍ତର୍ଗତରେ ଏହି ଛାଡ କ୍ଲେମ୍ କରା ଯାଇପାରିବ । ଯାହାର ସର୍ବାଧିକ ସୀମା ହେଉଛି 2 ଲକ୍ଷ ଟଙ୍କା । ତେବେ ଏଥିପାଇଁ ଆପଣଙ୍କୁ ଲୋନ୍ ଉପରେ ସୁଧ ଦେଉଥିବା ଆଟେଷ୍ଟେଡ୍ ପ୍ରମାଣପତ୍ର ଯୋଗାଡ କରିବାକୁ ପଡିବ ।
ଅଭିଭାବକଙ୍କୁ ଦିଅନ୍ତୁ ଘର ଭଡା
ଯଦି ଆପଣ ନିଜ ଅଭିଭାବକଙ୍କ ଘରେ ରହୁଛନ୍ତି ତେବେ ତାଙ୍କୁ ମଧ୍ୟ ଆପଣ ଭଡା ଦେଇ ପାରିବେ ଓ ସେଇ ଭଡା ଉପରେ କର ଛାଡ କ୍ଲେମ୍ କରିପାରିବେ । ଅନ୍ୟପକ୍ଷରେ ଆପଣଙ୍କ ଅଭିଭାବକ ଷ୍ଟାଣ୍ଡାର୍ଡ ଡିଡକ୍ସନ ଓ ମ୍ୟୁନିସିପାଲ ଟ୍ୟାକ୍ସ ଉପରେ ଡିଡକ୍ସନ୍ କ୍ଲେମ୍ କରି ପାରିବେ । ଏଭଳି କରିବା ଦ୍ୱାରା ପୁରା ପରିବାର ସଂଚୟ କରି ପାରିବ । ଆୟକର ଧାରା 10(13ଏ) ରେ ଏହି ପ୍ରାବଧାନ ରହିଛି । ତେବେ ଧ୍ୟାନ ରଖନ୍ତୁ ଯେ, HRA କିମ୍ବା ଦରମାର 10 ପ୍ରତିଶତରୁ ଅଧିକ ଘରଭଡା କିମ୍ବା ବେସିକ୍ ଦରମାର 50 ପ୍ରତିଶତ,ଏହାମଧ୍ୟରୁ ଯାହା କମ ହେବ,ସେତିକି ହିଁ ଡିଡକ୍ସନ୍ ଆପଣଙ୍କୁ ମିଳିବ । ଏହାସହ ଆପଣଙ୍କୁ ଘର ଭଡା ଏଗ୍ରିମେଣ୍ଟ ମଧ୍ୟ କରିବାକୁ ପଡିବ ।
ଗ୍ରୁପ୍ ହେଲ୍ଥ ଇନସ୍ୟୁରାନ୍ସ କଭର ଉପରେ କର ଛାଡ
ଗ୍ରୁପ୍ ହେଲ୍ଥ ଇନସ୍ୟୁରାନ୍ସ କଭର ପାଇଁ ଦେଇଥିବା ପ୍ରିମିୟମ ଉପରେ ମଧ୍ୟ ଆପଣ କରଛାଡ କ୍ଲେମ୍ କରିପାରିବେ । ଯଦି ନିଯୁକ୍ତିଦାତ୍ତା ଆପଣଙ୍କ ପରିବାର ପାଇଁ ଗ୍ରୁପ୍ ହେଲ୍ଥ କଭର ଦେଇଛନ୍ତି ଓ ଆପଣ ତାରା ପ୍ରିମିୟମ ଦେଉଛନ୍ତି ତେବେ ଆପଣ ସ୍ୱାଧିନ ଓ ରିଟେଲ୍ ହେଲ୍ଥ କଭର ଉପରେ ଟ୍ୟାକ୍ସ ଛାଡ ହକଦାର । ଆୟକର ଧାରା 80 ଡି’ ଅନ୍ତର୍ଗତରେ ଏହି ଛାଡ ମିଳିଥାଏ ଓ ଏହାର ସର୍ବାଧିକ ସୀମା ହେଉଛି 75 ହଜାର ଟଙ୍କା । କିନ୍ତୁ ଯଦି ପୁରା ପ୍ରିମିୟମ ଆପଣଙ୍କ ଅଫିସ ଦେଉଛି ତେବେ ଆପଣଙ୍କୁ କୌଣସି ଛାଡ ମିଳିବ ନାହିଁ ।
ଅଭିଭାବକଙ୍କ ଚିକିତ୍ସା ଖର୍ଚ୍ଚ
ନିଜ ଅଭିଭାବକଙ୍କ ଚିକିତ୍ସାରେ ଆପଣ ଯେତିକି ଟଙ୍କା ଖର୍ଚ୍ଚ କରିଥିବେ ତା’ଉପରେ ଆପଣ କର ଛାଡ ପାଇ ପାରିବେ । ଆୟକର ଧାରା 80 ଡି’ ଏହି ସୁବିଧା ଦେଇଥାଏ । ଏଥିରେ ସର୍ବାଧିକ ସୀମା ହେଉଛି 50 ହଜାର ଟଙ୍କା
