ନୂଆଦିଲ୍ଲୀ : ଭାରତୀୟ ଜନତା ପାର୍ଟି ଖୁବ୍ଶୀଘ୍ର ଲୋକ ସଭା ନିର୍ବାଚନ-୨୦୨୪ ପାଇଁ ପ୍ରାୟ ୧୫୦ଟି ଆସନ ନିମନ୍ତେ ପ୍ରାର୍ଥୀଙ୍କ ନାମ ଘୋଷଣା କରିପାରେ । ଯେଉଁ ଆସନରୁ ଭାଜପା ହାରିଛି ସେଠାରେ ନୂଆ ପ୍ରାର୍ଥୀଙ୍କ ନାମ ଘୋଷଣା କରିବ । ଏହି ଆସନରେ ହିମାଚଳ ପ୍ରଦେଶର ମଣ୍ଡି ଲୋକ ସଭା ଆସନ ମଧ୍ୟ ଅନ୍ତର୍ଭୁକ୍ତ ହୋଇଛି । ବର୍ତ୍ତମାନ ଏଠାରେ ନିର୍ଦ୍ଧାରିତ ସମୟ ପୂର୍ବରୁ ଭାଜପା ନିଜର ଦୁର୍ଗ ଗଢ଼ିବାକୁ ନିଷ୍ପତ୍ତି ନେଇଛି ।
ଭାଜପାର ରଣନୀତି ପ୍ରସ୍ତୁତ
ଏହା ହେଉଛି ହିମାଚଳ ପ୍ରଦେଶର ଏକମାତ୍ର ଲୋକ ସଭା ଆସନ, ଯାହା କଂଗ୍ରେସ ସହିତ ଅଛି । ଯଦିଓ ପୂର୍ବରୁ ଏହି ଆସନ ଭାଜପାର ଥିଲା କିନ୍ତୁ ୨୦୨୧ରେ ଏଠାରେ ଉପ-ନିର୍ବାଚନ ଅନୁଷ୍ଠିତ ହୋଇଥିଲା, ଯାହା ପରେ ଏହି ଆସନ କଂଗ୍ରେସ ହାତକୁ ଚାଲି ଯାଇଥିଲା । ବିଶେଷ ସୂତ୍ରରୁ ପ୍ରକାଶ ଯେ, ପ୍ରଥମେ ପ୍ରାର୍ଥୀଙ୍କ ନାମ ଘୋଷଣା କରିବାକୁ ଦିଲ୍ଲୀର ଆସନ ପାଇଁ ଆଲୋଚନା ଚାଲିଛି । ଏଥିରେ ମଣ୍ଡି ଲୋକ ସଭା ଆସନ ମଧ୍ୟ ଅନ୍ତର୍ଭୁକ୍ତ ହୋଇଛି । ନିର୍ଦ୍ଧାରିତ ସମୟ ପୂର୍ବରୁ ଏଠାରେ ପ୍ରାର୍ଥୀଙ୍କ ନାମ ମଧ୍ୟ ଘୋଷଣା କରାଯାଇପାରେ । ହାରିିଯାଇଥିବା ଆସନରେ ପ୍ରାର୍ଥୀ କରି ସଠିକ୍ ସମୟରେ ପ୍ରଚାର ଆରମ୍ଭ କରିବା ନେଇ ଭାଜପା ରଣନୀତି ପ୍ରସ୍ତୁତ କରୁଛି ।
ମଣ୍ଡି ଆସନ ପାଇଁ ଅଛନ୍ତି ଅନେକ ଆଶାୟୀ
ମଣ୍ଡି ଲୋକ ସଭା ଆସନରୁ ଭାଜପା ଟିକେଟ ଚାହୁଁଥିବା ପ୍ରାର୍ଥୀଙ୍କ ଏକ ଲମ୍ବା ତାଲିକାକୁ ନେଇ ଚର୍ଚ୍ଚା ହେଉଛି । ତେବେ ପ୍ରଥମରେ ପୂର୍ବତନ ସିଏମ୍ ତଥା ବିରୋଧୀ ଦଳର ନେତା ଜୟରାମ ଠାକୁରଙ୍କ ନାଁ ଆସୁଛି । କିନ୍ତୁ ଜୟରାମ କହିଛନ୍ତି, ସେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ ନାହିଁ । ଏହା ବ୍ୟତୀତ ଭାଜପାର ପୂର୍ବତନ ପ୍ରାର୍ଥୀ ବ୍ରିଗେଡିର୍ୟ କୁଶଲ ଠାକୁର, ମ୍ୟୁନିସିପାଲିଟି କାଉନସିଲ ମନାଲିର ସଭାପତି ତଥା ଏଚ୍ପି ମ୍ୟୁନିସିପାଲିଟି କର୍ପୋରେଶନର ଚମନ କପୁର, ଭାଜପା ନେତା ଅଜୟ ରାଣା ଏବଂ ଆଶ୍ରୟ ଶର୍ମାଙ୍କ ପ୍ରମୁଖ ଲୋକ ସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିଥିଲେ ।ଏହା ସହିତ ପୂର୍ବତନ ଏମ୍ପି ମହେଶ୍ୱର ସିଂ ମଧ୍ୟ ଟିକେଟ୍ ପାଇଁ ଆଶା ରଖିଛନ୍ତି । କିନ୍ତୁ ଦଳ କେବଳ ତାଙ୍କ ବୟସକୁ ବିଚାର କରି କୌଣସି ବି ନିଷ୍ପତ୍ତି ନେଇପାରେ । ଫିଲ୍ମ ଅଭିନେତ୍ରୀ କଙ୍ଗନା ରାଣାୱତ ମଧ୍ୟ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ଇଚ୍ଛା ପ୍ରକାଶ କରିଛନ୍ତି । ହିମାଚଳରୁ ଭାଜପା ତାଙ୍କୁ ପ୍ରାର୍ଥୀ କରିବାକୁ ଚାହୁଁଛି । ଏହା ବ୍ୟତୀତ ପୂର୍ବତନ ମନ୍ତ୍ରୀ ଗୋବିନ୍ଦ ସିଂ ଠାକୁର ଏବଂ ଭାଜପା ରାଜ୍ୟ ସାଧାରଣ ସମ୍ପାଦକ ବିହାରୀ ଲାଲ ଶର୍ମାଙ୍କ ନାମ ମଧ୍ୟ ଚର୍ଚ୍ଚା ହେଉଛି ।
