ବର୍ତ୍ତମାନ ସମୟରେ ସମସ୍ତଙ୍କ ହାତରେ ସ୍ମାର୍ଟ୍ ଫୋନ୍ । ବ୍ୟକ୍ତିଗତ କାମଠାରୁ ଅଫିସ କାମ ସବୁ ପାଇଁ ସ୍ମାର୍ଟ୍ ଫୋନ୍ ଉପରେ ଆମେ ନିର୍ଭରଶୀଳ । ବ୍ୟାଙ୍କିଂରୁ ଚାଟିଂ ସବୁକିଛି ହେଉଛି ସ୍ମାର୍ଟଫୋନରେ । ଆଉ ଏହା ସହିତ ଆସିଛି ବିପଦ । ହ୍ୟାକର୍ସ ଆପଣଙ୍କ ଫୋନ୍ ଉପରେ ନଜର ରଖୁଛନ୍ତି । ଟିକିଏ ଅସବାଧନ ହେଲେ ସେମାନେ ଆପଣଙ୍କ ବ୍ୟକ୍ତିଗତ ଡାଟା ଚୋରି କରି ବ୍ଲାକମେଲ୍ କରିବା ସହିତ ବ୍ୟାଙ୍କ ବାଲାନ୍ସ ମଧ୍ୟ ଉଡାଇ ନେବେ । ହ୍ୱାଟସଆପ୍ ଭଳି ଚାଟିଂ ସର୍ଭିସରୁ ଆପଣ କାହା ସହିତ କ’ଣ କଥା ହେଲେ କାହାକୁ କେଉଁଭଳି ଫଟୋ ପଠାଇଲେ ସବୁକିଛି ସେମାନେ ଦେଖି ପାରିବେ । ଏମିତିରେ କେମିତି ଜାଣିବେ ଯେ, ଆପଣଙ୍କ ମୋବାଇଲ ଭିତରେ ପଶି କେହି ଆପଣଙ୍କ ବ୍ୟାକ୍ତିଗତ ଡାଟା ଚୋରି କରୁଛି ? ଆସନ୍ତୁ ଜାଣିବା..
ଯଦି ଆପଣଙ୍କ ଫୋନ୍ ବେଟରି ଆଗ ଅପେକ୍ଷା ଶୀଘ୍ର ଡ୍ରେନ୍ ହେଉଛି,ଇଣ୍ଟରନେଟ୍ ଡାଟା ବ୍ୟବହାର ନକଲେ ବି ସରି ଯାଉଛି । ଫୋନ୍ ସ୍କ୍ରିନ୍ ଫ୍ରିଜ୍ ହେଇଯାଉଛି,ଆପ୍ ଆପେ ଆପେ ବନ୍ଦ ହେଉଛି କିମ୍ବା ଫୋନ୍ ମଧ୍ୟ ଆପେ ଆପେ ରିଷ୍ଟାର୍ଟ୍ ହେଉଛି । କିମ୍ବା ଆପଣ ଡାଉନଲୋଡ୍ କରିନଥିବା କୌଣସି ଆପ୍ ଫୋନରେ ଅଛି ଓ ସୋସିଆଲ ମିଡିଆରେ ଏମିତି କିଛି ସେୟାର ହୋଇଛି କି ଲାଇକ୍ ହୋଇଛି ଯାହା ଆପଣ କରି ନାହାନ୍ତି… ତେବେ ସାବଧାନ । ଆପଣଙ୍କ ଫୋନ ଭିତରେ ଆଉ କିଏ ଅଛି । ଆଉ ତା’ ପାଖକୁ ଆପଣଙ୍କ ମେସେଜ୍ ଯାଉଛି । ଆପଣଙ୍କୁ କଲ ଆସିଲେ ସେ ଶୁଣୁଛି । ତୁରନ୍ତ ଫୋନକୁ ରିବୁଟ୍ କରନ୍ତୁ ।
ବ୍ୟାଟେରି ଶୀଘ୍ର ସରୁଥିଲେ ସତର୍କ ହୁଅନ୍ତୁ
ଆପଣଙ୍କ ସ୍ମାର୍ଟ୍ ଫୋନର ବ୍ୟାଟେରି ଯଦି ଶୀଘ୍ର ସରି ଯାଉଛି ତେବେ ସତର୍କ ହୁଅନ୍ତୁ । ହୁଏତ ହ୍ୟାକର୍ସ ଆପଣଙ୍କ ଅଜାଣତରେ କୌଣସି ସ୍ପାଏ ୱେୟାର ସେଥିରେ ଇନଷ୍ଟଲ କରିଛି । ଯାହା ଅନବରତ ଚାଲୁଛି ଓ ଆପଣଙ୍କ ଡାଟା ଟ୍ରାନସଫର କରୁଛି । ଫଳରେ ଆପଣଙ୍କ ଫୋନ ବ୍ୟାଟ୍ରି ଶୀଘ୍ର ସରି ଯାଉଛି । ବ୍ୟାଟେରି ଶୀଘ୍ର ସରିବା ଫୋନ୍ ହ୍ୟାକିଂର ଲକ୍ଷଣ ।
ଇଣ୍ଟରନେଟ୍ ଡାଟା ଶୀଘ୍ର ସରିବା
ଆପଣ କେତେ ଡାଟା ଦୈନିକ ବ୍ୟବହାର କରୁଛନ୍ତି ତାହା ଆପଣ ଭଲ ଭାବେ ଜାଣନ୍ତି । ଯଦି ଆପଣଙ୍କ ବ୍ୟବହୃତ ଡାଟା ଠାରୁ ଅଧିକ ଡାଟା ସରୁଛି ତେବେ ଜାଣନ୍ତୁ ଫୋନ୍ ଭିତରେ ହ୍ୟାକର୍ସଙ୍କ ଆପ୍ ଅଛି । ତେଣୁ ତୁରନ୍ତ ଅଜଣା ଆପ୍ ହଟାନ୍ତୁ ।
ଫୋନ୍ ମନକୁ ରିଷ୍ଟାର୍ଟ୍ ହେଉଛି କି ?
ଯଦି ଆପଣଙ୍କ ଫୋନ୍ ମନକୁ ମନ ରିଷ୍ଟାର୍ଟ ହେଉଛି କିମ୍ବା ସ୍କ୍ରିନ୍ ଫ୍ରିଜ୍ ହେଇଯାଉଛି ତେବେ ଏହାର ଅର୍ଥ ହେଉଛି ଫୋନ୍ ହ୍ୟାକ୍ ହୋଇଛି । ସେମିତି ହେଲେ ସତର୍କ ହୁଅନ୍ତୁ ।
ସୋସିଆଲ ମିଡିଆରେ କିଛି ଅଜବ ଘଟୁଛି କି ?
ଆପଣ ଦିନେ ଫେସବୁକରେ ଏମିତି କିଛି ପୋଷ୍ଟ ଦେଖୁଛନ୍ତି ଯାହା ଆପଣ ସେୟାର କରି ନାହାନ୍ତି କି ଲାଇକ୍ କରିନାହାନ୍ତି ତେବେ ତୁରନ୍ତ ସତର୍କ ହୁଅନ୍ତୁ । ହୁଏତ କେହି ଆପଣଙ୍କ ଫୋନ୍ ହ୍ୟାକ୍ କରି ପୋଷ୍ଟ ସେୟାର କରୁଛି କିମ୍ବା କମେଣ୍ଟ କରୁଛି ।
ଫୋନ୍ ହ୍ୟାକ୍ ହେଲେ କ’ଣ କରିବେ ?
ଅନେକ ସମୟରେ ଫୋନ୍ ହ୍ୟାକ୍ ହୋଇଥାଏ । ଫୋନ୍ ହ୍ୟାକ୍ ହେଲେ କ’ଣ କରିବେ ? ପ୍ରଥମେ ଅଜଣା ଆପ୍ କୁ ଫୋନରୁ ହଟାଇ ଦିଅନ୍ତୁ । ଆଣ୍ଟି ମାଲୱେୟାର ଆପ୍ଲିକେସନକୁ ରନ୍ କରନ୍ତୁ । ଯଦି ନାହିଁ ତେବେ ଡାଉନଲୋଡ୍ କରନ୍ତୁ,ଏହା ଫ୍ରି’ରେ ମଧ୍ୟ ମିଳୁଛି । ଫୋନକୁ ଫ୍ୟାକ୍ଟ୍ରି ରିସେଟ୍ କରନ୍ତୁ । ଫ୍ୟକ୍ଚି ରିସେଟ୍ କରିବା ଆଗରୁ ଡାଟା ବ୍ୟାକଅପ୍ ନିଅନ୍ତୁ । ପାସୱାର୍ଡ୍ ରିସେଟ୍ କରନ୍ତୁ । ହ୍ୟାକର୍ସ ଯେମିତି ପର୍ସନାଲ ଡାଟା ଚୋରି ନକରେ ସେଥିପାଇଁ ନିଜ ଫୋନ ସହିତ ଜଡିତ ସବୁ ଆକାଉଣ୍ଟସର ପାସୱାର୍ଡ ବଦଳାଇ ଦିଅନ୍ତୁ । କଣ୍ଟାକ୍ଟ ଲିଷ୍ଟରେ ଥିବା ଲୋକଙ୍କୁ ଜଣାଇ ଦିଅନ୍ତୁ ଯେ, ଆପଣଙ୍କ ନମ୍ବରରୁ ଆସୁଥିବା ମେସେଜ୍ କିମ୍ବା ଲିଙ୍କକୁ କ୍ଲିକ୍ କରିବେ ନାହିଁ । ଫୋନକୁ ଅନରୁଟ୍ କରନ୍ତୁ । ଯଦି ଆପଣ ଆଣ୍ଡ୍ରଏଡର ରୁଟେଡ୍ ଭର୍ସନ ୟୁଜ୍ କରୁଛନ୍ତି ତେବେ SuperSU ଆପ୍ ବ୍ୟବହାର କରି ଅନରୁଟ୍ କରନ୍ତୁ । ଫୋନକୁ ଯଦି କଲ ଆସୁନି କିମ୍ବା ମେସେଜ୍ ଆସୁନି ତେବେ ଜାଣନ୍ତୁ ଯେ, ହ୍ୟାକର ଆପଣଙ୍କ ସିମକୁ କ୍ଲୋନ୍ କରିଛି । ତୁରନ୍ତ ନିଜ ସର୍ଭିସ ପ୍ରୋଭାଇଡରକୁ ସମ୍ପର୍କ କରନ୍ତୁ । କୌଣସି ଫ୍ରି ୱାଇଫାଇ ୟୁଜ୍ କରନ୍ତୁ ନାହିଁ କି ସନ୍ଦେହଜନକ ଲିଙ୍କକୁ କ୍ଲିକ୍ କରନ୍ତୁ ନାହିଁ ।
