ସିନ୍ଧିଆଙ୍କ ପ୍ରାସାଦ କଂଗ୍ରେସ ହାତେଇବ କହିଲେ ରାଜ ବବର

ନୂଆଦିଲ୍ଲୀ: ମଧ୍ୟପ୍ରଦେଶର ନିର୍ବାଚନ ଲଢେଇ ବର୍ତ୍ତମାନ ବ୍ୟକ୍ତିଗତ ହେବାରେ ଲାଗିଛି । କଂଗ୍ରେସର ବରିଷ୍ଠ ନେତା ରାଜ ବବର ଜ୍ୟୋତିରାଦିତ୍ୟ ସିନ୍ଧିଆଙ୍କ ପ୍ରାସାଦକୁ ଏକ ଚାଳଘରରେ ପରିଣତ କରିବାକୁ ଧମକ ଦେଇଛନ୍ତି । କଂଗ୍ରେସ ଛାଡି ବିଜେପିରେ ଯୋଗଦେବା ପରେ ବର୍ତ୍ତମାନର କେନ୍ଦ୍ର ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ ମଧ୍ୟ ରାଜ୍ୟର ଅନ୍ୟ କଂଗ୍ରେସ ନେତାଙ୍କ ଟାର୍ଗେଟରେ ଅଛନ୍ତି । ରାଜ ବବର କହିଛନ୍ତି ଯେ, ଯଦି ମଧ୍ୟପ୍ରଦେଶରେ କଂଗ୍ରେସ ସରକାର କ୍ଷମତାକୁ ଆସନ୍ତି, ତେବେ ସିନ୍ଧିଆଙ୍କ ପ୍ରାସାଦକୁ ସମସ୍ତଙ୍କ ପାଇଁ ଖୋଲିଦିଆଯିବ ।

ସିନ୍ଧିଆଙ୍କୁ କଟାକ୍ଷ କଲେ ରାଜ ବବର ଓ ଦିଗବିଜୟ ସିଂ

କେବଳ ଏତିକି ନୁହେଁ କଂଗ୍ରେସର ଅନ୍ୟ ଜଣେ ନେତା ଦିଗଜିଜୟ ସିଂ ମଧ୍ୟ ସିନ୍ଧିଆଙ୍କୁ ଘେରିଛନ୍ତି । ସିନ୍ଧିଆଙ୍କୁ ଦେଶଦ୍ରୋହୀ ବୋଲି ଦିଗବିଜୟ ସିଂ କହିଛନ୍ତି । ଜ୍ୟୋତିଆଦିତ୍ୟ ସିନ୍ଧିଆ କଂଗ୍ରେସ ପ୍ରତି ବିଶ୍ୱାସଘାତକତା କରି ବିଜେପିରେ ଯୋଗଦେବେ ବୋଲି ସେ ଆଶା କରିନଥିଲେ । ରାଜ ବବର ଗ୍ୱାଲିଅରରେ ଏକ ସାମ୍ବାଦିକ ସମ୍ମିଳନୀକୁ ସମ୍ବୋଧିତ କରି କହିଥିଲେ ଯେ ମଧ୍ୟପ୍ରଦେଶରେ କଂଗ୍ରେସ ସରକାର ଗଠନ ହେବା ମାତ୍ରେ ଜ୍ୟୋତିରାଦିତ୍ୟ ସିନ୍ଧିଆଙ୍କ ପ୍ରାସାଦକୁ ସମସ୍ତଙ୍କ ପାଇଁ ଖୋଲିଦିଆଯିବ ଯାହା ଦ୍ୱାରା ସାଧାରଣ ଲୋକ ସେଠାକୁ ଯାଇ ପାରିବେ ରାଜପ୍ରାସାଦକୁ ମଧ୍ୟ ଦେଖିପାରିବେ ସେଠାକୁ ଯାଇ ବୁଲିପାରିବେ ।

ପର୍ଯ୍ୟଟନକୁ ପ୍ରୋତ୍ସାହନ ଦିଆଯିବ

ରାଜ ବବର କହିଛନ୍ତି, ‘ଗରିବମାନେ ପ୍ରାସାଦ ଦେଖି ନାହାଁନ୍ତି । ଯେତେବେଳେ କଂଗ୍ରେସ ସରକାରଙ୍କ ଅଧୀନରେ ପର୍ଯ୍ୟଟନକୁ ପ୍ରୋତ୍ସାହନ ଦିଆଯିବ, ଲୋକମାନେ ମଧ୍ୟ ରାଜପ୍ରାସାଦ ଦେଖିବାକୁ ଯିବେ, କାରଣ ଏହି ପ୍ରାସାଦ କେବଳ ଲୋକଙ୍କର ଏବଂ ଗ୍ୱାଲିଅର ଅଟେ । ତେଣୁ ଜନସାଧାରଣ ରାଜପ୍ରାସାଦକୁ ଯାଇ ସେଠାରେ ଆନନ୍ଦରେ ଚାଟ ଖାଇବେ । ଏଥିସହ ସେ ରାଜ୍ୟ ମୁଖ୍ୟମନ୍ତ୍ରୀ ଶିବରାଜ ସିଂଙ୍କୁ ଟାର୍ଗେଟ କରି କହିଛନ୍ତି ଯେ ରାଜ୍ୟରେ କୌଣସି ବିକାଶ ହୋଇନାହିଁ । ମଧ୍ୟପ୍ରଦେଶରେ ଗୋଟିଏ ପର୍ଯ୍ୟାୟରେ ନିର୍ବାଚନ ଅନୁଷ୍ଠିତ ହେବ । ୧୭ ନଭେମ୍ବରରେ ଏଠାରେ ମତଦାନ ହେବ ଏବଂ ୩ ଡିସେମ୍ବରରେ ଭୋଟ୍ ଗଣତି ହେବ । ଏହାପୂର୍ବରୁ ଶାସକ ବିଜେପି ନେତା ଏବଂ ବିରୋଧୀ କଂଗ୍ରେସ ମଧ୍ୟରେ ଶବ୍ଦ ଯୁଦ୍ଧ ତୀବ୍ର ହୋଇଛି । ବରିଷ୍ଠ ଅଭିନେତା ରାଜ ବବର କଂଗ୍ରେସ ପାଇଁ ଷ୍ଟାର ପ୍ରଚାରକ । ନିର୍ବାଚନ ପ୍ରଚାର ପାଇଁ ସେ ରାଜ୍ୟରେ କ୍ୟାମ୍ପ କରିଛନ୍ତି ।